PDF unit test TRY NOW

கடிகாரத்தின் வகைகள்
செயல்படும் முறையின் அடிப்படையில் கடிகாரத்தை இருவகையாகக் பிரிக்கலாம்.
  
1. குவார்ட்ஸ் கடிகாரங்கள்
 
2. அணுக்கடிகாரங்கள்
 
1. குவார்ட்ஸ் கடிகாரங்கள்
இவை ‘மின்னணு அலைவுகள்’ (Electronic Oscillations) மூலம் இயங்குகின்றன. ‘குவார்ட்ஸ்‘ எனப்படும் படிகத்தினால் கட்டுப்படுத்தப்படும் இவற்றின் அதிர்வுகளின் அதிர்வெண்ணானது மிகத் துல்லியமானது. எனவே, இவை இயந்திரவியல் கடிகாரங்களைவிட மிகவும் துல்லியம் உடையவை. இக்கடிகாரங்கள் 10^9 வினாடிக்கு ஒரு வினாடி என்ற அளவிற்கு துல்லியமானவை.
 
clockhands1511411280.png
 
குவார்ட்ஸ் கடிகாரங்கள், ஒன்று அல்லது அதற்கு மேற்பட்ட செல்கள் கொண்ட மின்சுற்று கொண்டவை. குவார்ட்ஸ் கடிகாரத்தின் உள் பக்க காட்சி படத்தில் காட்டப்பட்டுள்ளது.
 
shutterstock1372841252.jpg
 
Important!
முதல் குவார்ட்ஸ் கடிகாரம் \(1927\) இல் Warren Marrison மற்றும் J.W. Horton - ஆல் (Bell Telephone Laboratories) கண்டறியப்பட்டது.
2. அணுக்கடிகாரங்கள்

அணுவின் உள்ளே ஏற்படும் அதிர்வுகளை அடிப்படையாகக் கொண்டு அணுக்கடிகாரங்கள் செயல்படுகின்றன. இவற்றின் துல்லியம் 10^13 வினாடிக்கு ஒரு வினாடி என்ற அளவில் இருக்கும்.

 

PatekPhilippeHewlettPackardAtomicClockcirca1960sGenevatimeNOLAMSRauAntiquestakenon20150326211111byDrGarciaw1917.jpg

 

பயன்கள்:

 

அணுக்கடிகாரங்கள், பூமியில் இருப்பிடத்தைக் காட்டும் அமைப்பு (Global Positioning System - GPS), பூமியில் வழிகாட்டும் செயற்கைக் கோள் அமைப்பு (Global Navigation Satellite System - GLONASS) மற்றும் பன்னாட்டு நேரப்பங்கீட்டு அமைப்பு (Time Distribution Services) ஆகியவற்றில் பயன்படுத்தப்படுகின்றன.

 

gps3048421280.png

  

Important!

உங்களுக்கு தெரியுமா?

 

National Institute of Standards and Technology (U.S.A) உலகின் மிகத் துல்லியமான கடிகாரத்தை உருவாக்கியுள்ளது, இது 20 மில்லியன் ஆண்டுகளுக்குப் பிறகு ஒரு வினாடியை இழக்கிறது அல்லது பெறுகிறது.

கிரீன்விச் சராசரி நேரம் (GMT):

 

இது இங்கிலாந்து நாட்டின் லண்டன் மாநகருக்கு அருகில், கிரீன்விச் என்னுமிடத்தில் உள்ள இராயல் வானியல் ஆய்வுமையத்தின் (Royal Astronomical Observatory) நேரமாகும். இது \(0°\) தீர்க்கக் கோட்டில் கணக்கிடப்படுகிறது.

உங்களுக்கு தெரியுமா?

 

\(15°\) இடைவெளியில் அமைந்த தீர்க்கக் கோடுகளின் அடிப்டையில் \(24\) மண்டலங்களாகப் பிரிக்கப்பட்டுள்ளது. இவை நேரமண்டலங்கள் (Time Zones) என்று அழைக்கப்படுகின்றன. \(1 \)மணி நேர கால இடைவெளியில் அடுத்தடுத்த இரண்டு நேர மண்டலங்கள் அமைந்திருக்கும்.

இந்திய திட்ட நேரம் (IST):
 

இந்திய திட்ட நேரம், இந்தியாவின் உத்திரப்பிரதேச மாநிலத்தில் உள்ள மிர்சாபூர் (Mirzapur) எனும் இடத்தின் வழியாகச் செல்லும் தீர்க்கக் கோட்டை ஆதாரமாகக் கொண்டு கணக்கிடப் படுகிறது. இது \(82.5°\) (கிழக்கு) தீர்க்கக் கோட்டில் அமைந்துள்ளது.

 

ISTMirzapur.svg

உங்களுக்கு தெரியுமா?

 

கிரீன்விச் சராசரி நேரத்திற்கும் இந்திய திட்ட நேரத்திற்கும் உள்ள தொடர்பு பின்வருமாறு, \(IST =\) கிரீன்விச் சராசரி நேரம் \(+ 5.30\) மணி

செயல்பாடு:

 

ஒரு சூரியகடிகாரத்தை உருவாக்கி, ஒரு நாளின் நேரத்தைக் குறித்துவைக்கவும். இந்த மதிப்புகளை நவீன கடிகாரங்களின் மதிப்புகளுடன் ஒப்பிட்டுச் சரிபார்க்கவும்.