Theory:

தாவரங்களுக்கிடையே காணப்படும் ஒற்றுமை மற்றும் வேற்றுமைகளுக்கு ஏற்ப பல்வேறு தொகுப்புகளாக அவற்றைப் பிரிக்கும் முறை வகைப்படுத்துதல்  எனப்படும்.
'டாக்சிஸ்' -  வரிசைப்படுத்துதல் என்றும், 'நாமோஸ்' - விதி எனப் பொருள்படும்.
 
Important!
அகஸ்டின் பைரமிஸ் டி கேண்டோல்  என்பவர் ‘வகைப்பாட்டியல்’ எனும் சொல்லை முதன் முதலில் உருவாக்கியவர்  ஆவார்.
வகைப்படுத்துதல் நான்கு வகைப்படும். அவை பின்வருமாறு:
  • செயற்கை வகைப்பாட்டு முறை
  • இயற்கை வகைப்பாட்டு முறை
  • மரபுவழி வகைப்பாட்டு முறை
  • நவீன வகைப்பாட்டு முறை
செயற்கை வகைப்பாட்டு முறை:
 
இது ஒன்று அல்லது சில புறத்தோற்றப் பண்புகளின் அடிப்படையில் தாவரங்களை  வகைப்படுத்தும் மிகப் பழமையான  வகைப்பாடு முறையாகும். மகரந்தங்களின் எண்ணிக்கை மற்றும் நிலை, நடை போன்றவை இந்த வகைப்பாட்டின் அளவுருக்களாகப் பயன்படுத்தப்பட்டன.
 
இந்த வகைப்பாடு லின்னேயஸ் வகைப்பாடு என்றும் அழைக்கப்படுகிறது. (கரோலஸ் லின்னேயஸ் தமது "ஸ்பீசிஸ் பிளான்டோரம்"என்ற புத்தகத்தில் செயற்கை வகைப்பாட்டு முறையினை விளக்கியுள்ளார்)
 
இயற்கை வகைப்பாட்டு முறை:
 
விதைத்தாவரங்களின் புறத்தோற்றப் பண்பு மற்றும் இனப்பெருக்கப் பண்பின் அடிப்படையில் இயற்கை வகைப்பாட்டு முறை உருவாக்கப்பட்டுள்ளது. பெந்தம் மற்றும் ஹுக்கர் தங்களது "ஜெனிரா பிளாண்டோரம்"புத்தகத்தில் மூன்று தொகுதிகளாக இதை விளக்கியுள்ளனர்.
 
விதைத்தாவரங்கள்.png
பெந்தம் மற்றும் ஹுக்கர் வகைப்பாடு   

ஹெர்பேரியம்:
  
தாவரங்களைச் சேகரித்து, உலர்த்தி, அழுத்தி, ஒரு அட்டையின் மீது ஒட்டி, ஏற்றுக்கொள்ளப்ப ட்ட எதாவது ஒரு வகைபாட்டின்படி வரிசைபடுத்தும் முறை ஹெர்பேரியம் எனப்படும்.
 
NeuchâtelHerbariumBerberisvulgarisNEU000033534.jpg
மாதிரி ஹெர்பேரியத் தாள்
 
இந்தியாவிலுள்ள மிகப்பெரிய உலர் தாவரத் தொகுப்பு (herbarium) கொல்கத்தாவில் உள்ளது. இங்கு பத்து இலட்சத்திற்கும் அதிகமான உலர் தாவர மாதிரிகள் (herbarium) உள்ளன.