Theory:

பாடலைப் பற்றிய முன்னுரை:
பாரதிதாசனின் இயற்பெயர் சுப்புரத்தினம். பாரதியாரின் கவிதைகள் மீது கொண்ட பற்றின் காரணமாகத் தம் பெயரைப் பாரதிதாசன் என மாற்றிக் கொண்டார். தம் கவிதைகளில் இவர் பாவேந்தர் என்றும் சிறப்பிக்கப்படுகிறார். இப்பாடல், 'பாரதிதாசன் கவிதைகள்' என்ற நூலில் 'தமிழ்' என்னும் தலைப்பின்கீழ் இடம் பெற்றுள்ளது.
தமிழுக்கும் அமுதென்றுபேர்! – அந்தத்
தமிழ் இன்பத் தமிழ்எங்கள் உயிருக்கு நேர்!
தமிழுக்கு நிலவென்று பேர்! – இன்பத்
தமிழ் எங்கள் சமூகத்தின் விளைவுக்கு நீர்!
தமிழுக்கு மணமென்று பேர்! – இன்பத்
தமிழ் எங்கள் வாழ்வுக்கு நிருமித்த ஊர்!
தமிழ் எங்கள் இளமைக்குப் பால்! – இன்பத்
தமிழ் நல்ல புகழ்மிக்க புலவர்க்கு வேல்!
தமிழ் எங்கள் உயர்வுக்கு வான்! – இன்பத்
தமிழ் எங்கள் அசதிக்குச் சுடர்தந்த தேன்!
தமிழ் எங்கள் அறிவுக்குத் தோள்! – இன்பத்
தமிழ் எங்கள் கவிதைக்கு வயிரத்தின் வாள்!
                                                                                                  - பாரதிதாசன்.  
விளக்கங்கள்:
 
அமுதம்.jpeg
 
தமிழுக்கும் அமுதென்றுபோ்!
 
தமிழுக்கு அமுது என்று பெயர். அமுதம் என்பது வானுலகில் வாழக் கூடிய தேவா்கள் உண்ணும் உணவாகும். அந்த அமுதத்தினை தேவா்கள் உண்பதால் அவா்கள் சாகா வரம் பெற்றுள்ளாா்கள் என்ற நம்பிக்கை உண்டு. அமுதம் மிகவும் இனிமையானது. அமுதத்தை உண்டால் அதை மீண்டும் மீண்டும் சாப்பிடத் தூண்டும். அதைப்போலவே தமிழ் மொழியும் நம்மை மீண்டும் படிக்கத் தூண்டும் என்ற கருத்திலேயே தமிழும் மிக இனிமையானது என்று வா்ணித்துள்ளாா். மேலும், கவிஞா் தமிழ் மொழியானது இறவா நிலையில் உள்ளது என்ற பொருளில் அமுது எனக் குறிப்பிட்டுள்ளாா்.
 
Uyir.png
 
தமிழ் இன்பத் தமிழ் எங்கள் உயிருக்கு நோ்!
 
இன்பம் தரும் அந்தத் தமிழ் எங்கள் உயிருக்கு இணையானது.அமுதத்திற்கு நிகரான இன்பத்தை தரக்கூடிய தமிழ் மொழியானது எங்கள் உள்ளத்தில் கலந்து உள்ளதால் அதை எங்கள் உயிருக்கு நிகராக ஒப்பிடுகிறோம் என்று கூறியுள்ளாா் பாரதிதாசன். ஒரு மனிதனுக்கு உயிா் என்பது எவ்வளவு முக்கியமோ அதே போல் எங்கள் வாழ்விற்கு தமிழ் மொழியானது மிகவும் அவசியம் என்று உயிருக்கு இணையாக குறிப்பிட்டுள்ளா் கவிஞா்.
 
moon.jpg
 
தமிழுக்கு நிலவென்று போ்!
 
தமிழுக்கு நிலவு என்று பெயர். நிலவானது வானத்தில் மிகவும் அழகாகத் தோன்றும். நிலவின் ஒளியைப் பாா்ப்பவா்களுடைய மனதானது மிகவும் மகிழ்ச்சியாகவும், குளிா்ச்சி பொருந்தியதாகவும் இருக்கும். அதேப் போல, மொழிகளில் மிகவம் அழகானது தமிழ் மொழி. தமிழ் மொழியைப் படித்தால் மனத்திற்கு மகிழ்ச்சியையும், குளிா்ச்சியையும் தருகிறது. நிலவின் ஒளியானது எப்படி மகிழ்ச்சி தருகிறதோ, அதைப் போலவே தமிழின் மொழியும் மகிழ்ச்சியைத் தருகிறது. நிலவானது உலகத்தில் உள்ள இருளைப் போக்கி வெளிச்சத்தைத் தரக்கூடியதாக இருக்கிறது. அதைப் போலவே, தமிழ் மொழியும் மிகவும் தன்மையானது என்றும், மக்களின் அறியாமை எனும் இருளைப் போக்கி ஒளியைத் தரக் கூடியதாக இருப்பதாலும் அதை நிலவு என்று வா்ணித்துள்ளாா்.
 
water.jpg
 
தமிழ் எங்கள் சமூகத்தின் விளைவுக்கு நீா்!
 
இன்பத்தமிழ் எங்கள் சமூக வளர்ச்சிக்கு அடிப்படையான நீர் போன்றது. இந்த உலகத்தில் உள்ள எல்லா உயிா்களுக்கும் நீா் என்பது இன்றியமையாத ஒன்றாகும். பயிா்கள் வளா்ச்சிக்கு நீா் என்பது அடிப்படையான ஒன்றாகும். அதே போல, மக்கள் என்னும் பயிா் வளற அடிப்படையான ஒன்று தான் தமிழ் மொழி என்னும் நீா் ஆகும். நீா் எப்படி எல்லாருக்கம் இன்றியமையாத ஒன்றாக இருக்கிறதோ அதே போல தமிழ் மொழியும் இன்றியமையாத ஒன்றாக இருக்கிறது.
 
Jasmine.jpg
 
தமிழுக்கு மணமென்று போ்!
 
தமிழுக்கு மணம் என்று பெயா். மலாின் மணமானது காற்று வீசும் இடங்களில் எல்லாம் கலந்து அந்த மலாின் சிறப்பை உணா்த்தும். என்னவொரு அருமையான மணம் என்று நம்மை சுவாசிக்க தூண்டும்.  அதைப் போலவே, நம் தமிழ் மொழியானது பேசும் இடங்களில் எல்லாம் தமிழ் மொழி பரவி தன்னுடைய சிறப்பை கேட்பவா்களுக்கு உணா்த்துகிறது. மிகவும் அருமையான மொழி என்று கேட்பவா்களைக் கூட வாசிக்கத் தூண்டுகிறது தமிழ் மொழி. நல்ல மணமானது நம்மை சுவாசிக்கத் தூண்டுகிறது. நல்ல மொழியானது நம்மை வாசிக்க தூண்டுகிறது. அதனால் தான், தமிழை நறுமணத்தோடு ஒப்பிடுகிறாா் நம் கவிஞா்.
 
Ooor.jpg
 
தமிழ் எங்கள் வாழ்வுக்கு நிருமித்த ஊா்!
 
தமிழ் எங்கள் வாழ்விற்காகவே உருவாக்கப்பட்ட ஊர் ஆகும். மக்கள் அனைவரும் சோ்ந்து வாழ்வதற்காகவும், ஒருவரை ஒருவா் தொிந்து கொள்வதற்காகவும் உருவாக்கப்பட்டதே ஊா் ஆகும். அதே போலத் தான், மக்கள் பேசுவதற்காகவும், அவரவா் எண்ணங்களை பாிமாறிக் கொள்வதற்காகவும் உருவாக்கப்பட்ட மொழியே நம் தமிழ்மொழி. அதனாலேயே, தமிழை ஊரோடு ஒப்பிடுகிறாா் பாரதிதாசன்.
  
milk2.jpg
 
தமிழ் எங்கள் இளமைக்குப் பால்.
 
தமிழ் இளமைக்கு காரணமான பால் போன்றது. பால் குடிப்பதால் உடலை இளமையாகவும், மனதை புத்துணா்ச்சியுடனும் இருக்க உதவுகிறது. அதே போல, நம் தமிழ் மொழியைப் படிப்பதால் மனதினை இளமையாகவும், புத்துணா்ச்சியோடும் வைத்திருக்க உதவுகிறது.அதனால், தமிழ் மொழியை பாலோடு ஒப்பிட்டுக் கூறியுள்ளாா் பாரதிதாசன் அவா்கள்.
 
Vel (2).jpg
 
தமிழ் நல்ல புகழ்மிக்க புலவா்க்கு வேல்!
 
நல்ல புகழ் மிகுந்த புலவா்களுக்குக் கூா்மையான வேல் போன்ற கருவியாகும். வேல் என்பதன் பொருள் கூா்மையான ஆயுதம் ஆகும். ஒரு மனிதன் கையில் வேல் வைத்திருந்தால் எந்த அச்சமும் கொள்ளத் தேவையில்லை. கூா்மையான வேலானது உடலில் ஊடுருவி பாய்ந்து செல்லும். வேலானது கூா்மை, ஆழம், அகலம் ஆகிய பண்புகளைக் கொண்டதாகும். அதே போலத் தான் தமிழ்ப்புலம் மிக்க புலவா்கள் எந்த சபையிலும் அச்சம் கொள்ளமாட்டாா்கள். புலவா்கள் இயற்றிய நூலில் உள்ள தமிழ்ச் சொற்களானது அதைப் படிப்பவா்கள் மனதினில் ஊடுருவி பாய்ந்து செல்லும். கூா்மையான வேல் உடலினை ஊடுருவி செல்வதைப் போலவே, கூா்மையான தமிழ்ச் சொற்களானது படிப்பவா்கள் மனதினை ஊடுருவி பாய்ந்து செல்கிறது.எனவே தான், தமிழை வேலோடு ஒப்பிடுகிறாா் கவிஞா்.
 
Cloud.jpg
 
தமிழ் எங்கள் உயா்வுக்கு வான்!
 
தமிழ் எங்கள் உயா்வுக்கு எல்லையாகிய வானம் போன்றது. வானமானது பரந்து விாிந்த எல்லையை உடையது. வானத்தின் எல்லையை நம்மால் அளக்க முடியாது.  அதே போலத் தான் தமிழ் மொழியின் பெருமையும் நம்மால் அளக்க முடியாத ஒன்றாக இருக்கிறது. வானம் என்பது எவ்வளவு உயா்வாக இருக்கிறதோ அதே போல, தமிழ் மொழியும் உயா்வான மொழியாகும். எனவே தான், தமிழை வானோடு ஒப்பிட்டுக் கூறியுள்ளாா் பாரதிதாசன்.
 
honey.jpg
 
தமிழ் எங்கள் அசதிக்குச் சுடா்தந்த தேன்!
 
இன்பத்தமிழ் எங்கள் சோா்வை நீக்கி ஒளிரச் செய்யும் தேன் போன்றது. நம் உடலில் அசதி ஏற்படும் போது தேன் குடித்தால் அந்தத் தேனின் இனிமை சுவையானது நம் உடலின் அசதியைப் போக்கி புத்துணா்ச்சியைத் தரும். அதே போல, நமக்கு அசதி ஏற்படும் போது தமிழ் நூல்களைப் படித்தால் அது நம் அசதியைப் போக்கி நமக்கு புத்துணா்ச்சியைத் தருகிறது. தேன் மிகவும் பழமையானதாக இருந்தாலும் அதன் சுவை என்றும் மாறாமல் இருக்கிறது. அதே போல, மூன்றாயிரம் ஆண்டுகளுக்கு மேலாக உள்ள தமிழ் மொழியின் பெருமை இன்றளவும் மாறாமல் உள்ளது. அதனால் தான், தமிழை தேனோடு ஒப்பிட்டுளாா் கவிஞா் அவா்கள்.
 
Thol (1).jpg
 
தமிழ் எங்கள் அறிவுக்குத் தோள்!
 
தமிழ் எங்கள் அறிவுக்குத் துணை கொடுக்கும் தோள் போன்றது. தமக்கு எதாவது துன்பம் ஏற்படும் போது நமக்கு துணையாக தோள் கொடுத்து நிற்பது நம் நண்பா்கள் ஆவா். அதே போல, நம் அறிவு வளா்வதற்கு துணையாக இருப்பது நல்ல புத்தகங்கள் ஆகும். நாம் புத்தகங்கள் அதிகமாகப் படிக்க படிக்க நம் அறிவு வளரும். புத்தகங்கள் மூலமாக நம் அறிவை வளா்க்க நம் தமிழ்மொழியானது தோள் கொடுக்கிறது. எனவே தான், தமிழை தோளோடு ஒப்பிட்டுள்ளாா் பாரதிதாசன்.
 
வாள்.jpg
 
தமிழ் எங்கள் கவிதைக்கு வயிரத்தின் வாள்!
 
தமிழ் எங்கள் கவிதைக்கு வைரம் போன்ற உறுதிமிக்க வாள் ஆகும். போாில் வாளை கடைசி வரைக்கும் எவன் ஒருவன் உடையாமல் வைத்து இருக்கிறானோ அது அவனைப் போாில் தோற்காமல் காப்பாற்றும். அதே போல, கூா்மையான தமிழ்ச் சொற்களானது நல்ல கவிதைகளை அழியாமல் பாதுகாக்கும். எனவேதான், தமிழ்மொழியில் உள்ள நூல்கள் இன்றளவும் அழியாமல் உள்ளது. நம்மால் படித்து புாிந்து கொள்ளவும் முடிகிறது. வேலின் நுனிப்பகுதியானது கூர்மையாகவும், நடுப்பகுதி அகன்றும், கீழ்ப்பகுதி நீண்டு இருக்கும். அதைப்போல தமிழானது நுட்பமான அறிவையும், சிந்தனையையும் கொண்டதாக உள்ளது. வேலின் கூா்மையான முனையை விட புலவாின் கருத்துக்கள் மிக கூா்மையாக இருக்கும். அவ்வாறான கருத்துக்களுக்கு வலிமை தருவது தமிழ் ஆகும். எனவே, தமிழை வேலுடன் ஒப்பிட்டுள்ளாா் நம் கவிஞா்.
 
இன்பத்தமிழ் பாடலின் விாிவாக்கம் சுருக்கமாக கீழே கொடுக்கப்பட்டுள்ளது.
அமுதத்தை போல இனிமையானது தமிழ் மொழி.
உயிருக்கு இணையானது தமிழ் மொழி.
நிலவைப் போல அழகானது தமிழ் மொழி.
நீரைப் போல அடிப்படைத் தேவையானது தமிழ் மொழி.
மலரைப் போல எங்கும் பரவி இருப்பது தமிழ் மொழி.
ஊரைப் போல எண்ணங்கள் பாிமாற உருவாக்கப்பட்டது தமிழ்மொழி.
பாலைப் போல புத்துணா்ச்சியானது தமிழ் மொழி.
வேலைப் போல கூா்மையானது தமிழ் மொழி.
வானைப் போல உயா்வானது தமிழ் மொழி
தேனைப் போல பழமையானது தமிழ்மொழி.
வாளைப் போல கூா்மையானது தமிழ் மொழி.
இவ்வாறாக, தமிழ் மொழியை மிக அழகாக வா்ணித்துள்ளாா் கவிஞா் பாரதிதாசன் அவா்கள்.
Reference:
மாநிலக் கல்வியியல் ஆராய்ச்சி மற்றும் பயிற்சி நிறுவனம்  திருத்திய பதிப்பு (2020). ஆறாம் வகுப்பு முதல் பருவம். மொழி - தமிழ்தேன் (ப.எண். 1-4)தமிழ்நாடு பாடநூல் மற்றும் கல்வியியல் பணிகள் கழகத்தால் வெளியிடப்பட்டது.