8. வேகம்-காலம் வரைபடம்

அ) பேருந்து ஓய்வில்:

காலமும் வேகமும் வரைப்படம்

இங்கு வேகம் \(0\) மீ/வி என்ற நிலையிலேயே உள்ளது. எனவே, பேருந்து சுழி முடுக்கத்தினைக் கொண்டுள்ளது.

ஆ) சீரான வேகத்தில் பயணிக்கும் பேருந்து:

காலமும் வேகமும் வரைப்படம்

இங்கு ,பேருந்து \(10 \)மீ /வி என்ற மாறாத வேகத்தில் சென்று கொண்டிருக்கிறது. வரைபடத்தில், நேர்கோட்டின் சாய்வு சுழி மதிப்பைக் கொண்டுள்ளது. எனவே, இதன் முடுக்கம் சுழியாகும் .

இ) சீரான முடுக்கத்தில் பயணிக்கும் பேருந்து:

காலமும் வேகமும் வரைபடம்

இங்கு, பேருந்தின் வேகம் ஒவ்வொரு விநாடியிலும் \(10\) மீ /வி என்று அதிகரித்து கொண்டே செல்கிறது. மேலும், வரைபடத்தில் நேர்கோட்டின் சாய்வானது நேர்குறியுடன் மாறாத மதிப்பைக் கொண்டுள்ளது. எனவே, இதன் முடுக்கம் மாறிலியாகும்.

ஈ) சீரான வேகத்தில் பயணிக்கும் பேருந்து:

காலமும் வேகமும் வரைபடம்

இங்கு, பேருந்தின் வேகம் ஒவ்வொரு விநாடியிலும் \(10\) மீ / வி என்ற குறைந்து கொண்டே செல்கிறது. வரைபடத்தில், நேர்கோட்டின் சாய்வானது எதிர்குறியுடன் மாறாத மதிப்பைக் கொண்டுள்ளது. எனவே, இதன் முடுக்கம் மாறிலியாகும். இந்த முடுக்கமானது எதிர் முடுக்கம் என அழைக்கப்படுகிறது.

உ) அதிகரிக்கும் முடுக்கத்துடன் பயணிக்கும் பேருந்து:

காலமும் வேகமும் வரைபடம்

இங்கு, பேருந்தின் வேகமானது ஒவ்வொரு விநாடியிலும் அதிகரித்துக் கொண்டே செல்கிறது. இங்கு சாய்வானது நேர்குறி மதிப்பைக் கொண்டு,அதிகரித்துக் கொண்டே செல்கிறது. எனவே, இதன் முடுக்கம் அதிகரிக்கிறது.

ஊ) குறைந்த முடுக்கத்துடன் பயணிக்கும் பேருந்து:

காலமும் வேகமும் வரைபடம்

இங்கு, பேருந்தின் வேகமானது காலத்தினைப் பொருத்து குறைந்து கொண்டே செல்கிறது. மேலும், சாய்வானது நேர்குறி மதிப்பைக் கொண்டு, குறைந்து கொண்டே செல்கிறது. எனவே, இதன் முடுக்கத்தின் மதிப்பும் குறைந்து கொண்டே செல்கிறது.