5. உடல் மற்றும் பற்கள் பராமரிப்பு

மனிதனுடைய உடலமைப்பு அதிசயமானது. மனித உடல் 24 மணி நேரமும் செயல்படும் உறுப்புகள் மற்றும் உறுப்பு அமைப்புகளைக் கொண்டுள்ளது. இதை நாம்  ஒரு இயந்திரத்துடன் ஒப்பிடலாம் அதனால்  இவை சரியான பராமரிப்பு மற்றும் வழிகாட்டுதலுடன் சிறப்பாகப் பழுதின்றி வேலை செய்ய வேண்டும். உடலின் சீரான செயல்பாட்டிற்கு, அதன் அனைத்து உறுப்புகளும் ஒன்றாக வேலை செய்ய வேண்டும். நம் உடலில் காணப்படும் செரிமான மண்டலம், தசை மண்டலம் மற்றும் இரத்த ஓட்ட மண்டலம் போன்றவை உடலின் முக்கிய அமைப்புகளாகும். இவை அனைத்தும் ஒருங்கிணைந்து செயல்பட வேண்டும் அப்பொழுது தான் உடலின் எல்லா பணிகளும் தங்கு தடையின்றி செயல்பட முடியும். இதன் காரணமாக, உடலைச் சரியான முறையில் பாதுகாக்க வேண்டும்.