PDF chapter test TRY NOW

தனிமங்கள்:
 
தனிமங்கள் என்பது அனைத்து இடங்களிலும் நிறைந்துள்ள ஒரு தூய பொருள். இதனை இரசாயன முறைகளில் எளிமையான மூலக்கூறுகளாக உடைக்க முடியாது.
Example:
தங்கம் ஒரு தனிமம், தங்கத்தை ஒரு சுத்தியால் அடித்தால் அது சிறு சிறு தங்க துண்டுகளாக தான்  மாறுமே தவிர வேறு எந்த பொருளாகவும் மாறாது.
shutterstock1163484094.jpg
  • தனிமங்கள் ஒரே வகையான அணுக்களை மட்டுமே கொண்டிருக்கும்.
  • ஒரு அணு என்பது ஒரு தனிமத்தின் மிகச்சிறிய துகள் ஆகும்.
  • தனிமங்கள் எப்பொழுதும் அதன் பண்புகளை மட்டுமே கொண்டிருக்கும். ஒரு குறிப்பிட்ட தனிமத்தின் அனைத்து அணுக்களும் ஒரே மாதிரியான வேதியியல் அமைப்பு, அளவு மற்றும் நிறை ஆகியவற்றைக் பெற்றுள்ளன.
  • ஒவ்வொரு அணுவிற்கும் ஒரு அணு எண் உள்ளது. ஒரு அணு எண் என்பது அத்தனிமத்தின் அணுவின் உட்கருவில் இருக்கும் புரோட்டான்களின் எண்ணிக்கையைக் குறிக்கிறது. வேதியியலில் இதுவரை மொத்தம் \(118\) தனிமங்கள் கண்டுபிடிக்கபத்துள்ளது.
  • பல தனிமங்கள் இயற்கையாகவே பூமியில் கிடைக்கின்றன. ஒரு சில தனிமங்கள் மட்டும் ஆய்வகத்தில் செயற்கையாக உருவாக்கப்படுகின்றன.
தனிமங்களின் குறியீடுகள்:
 
ஒரு குறிப்பிட்ட பொருளை குறிக்கக்கூடிய உருவம் மற்றும் பொருள் ஆகியவற்றையே குறியீடு என்போம்.
தனிமாத்தின் குறியீடு என்பது ஒரு தனிமத்தை குறிக்கும் எளிய வடிவமாகும்.
Example:
கணிதச் செயல்பாடுகளையும் எப்படி குறியீடு மூலம் குறிக்கிறோம். கூட்டல் செயலை ‘\(+\)’ என்ற குறியீட்டினாலும், கழித்தல் செயலை ‘\(-\)’ என்ற குறியீட்டினாலும் குறிக்கிறோம்.
அதேபோல வேதியியலில் ஒவ்வொரு தனிமத்தின் பெயரினை நான்கு வகையான குறியீடுகள் மூலம் குறிக்கப்படுகிறது ஏனென்றால் தனிமத்தின் முழு பெயரையும் எழுதுவது கடினமாகும்.
  1. கிரேக்கக் குறியீடுகள்
  2. இரசவாதிகளின் குறியீடுகள்
  3. டால்டனின் குறியீடுகள்
  4. பெர்சிலியஸ் குறியீடுகள்
1. கிரேக்கக் குறியீடுகள்:
  
பண்டைய கிரேக்கர்கள் நான்கு இயற்கைக் கூறுகளான நிலம், நீர், காற்று மற்றும் நெருப்பைக் குறிக்க வடிவியல் உருவங்களை பயன்படுத்தினார்கள்.
 
YCIND31052022_3820_Matter_around_us_1.png
கிரேக்கக் குறியீடுகள்
  
2. இரசவாதிகள் குறியீடுகள்:
  
இரசவாதிகள் தனிமங்களை வரைபடக் குறியீடுகள் மூலம் குறிப்பிட்டனர்.
உதாரணமாக: இரும்பைத் தங்கமாக மாற்றும் கலை இரசவாதம் என்று அழைக்கப்படும்.
இரும்பைத் தங்கமாக மாற்றும் கலைஞர்களை இரசவாதிகள் எனப்படுவர்.
 
YCIND31052022_3820_Matter_around_us_2.png
இரசவாதிகள் குறியீடுகள் 
  
3. டால்டனின் குறியீடுகள்:
 
  • இங்கிலாந்து நாட்டைச் சேர்ந்த ஜான் டால்டன் என்ற அறிவியல் அறிஞர் \(1808\) ஆம் ஆண்டு இவர் பல்வேறு தனிமங்களின் பெயர்களை வரைபடக் குறியீடுகள் மூலம் குறிப்பிட்டார்.
  • இவர் கண்டுபிடித்த குறியீடுகளை வரைவது அவ்வளவு எளிதாக இல்லாத காரணத்தால் அவை பயன்படுத்தப்படவில்லை. எனவே, இவை வரலாற்று முக்கியத்துவம் வாய்ந்தவையாக மட்டுமே உள்ளன.
 
YCIND31052022_3820_Matter_around_us_7.png
டால்டனின் குறியீடுகள்
 
4. பெர்சிலியஸ் குறியீடுகள்:
  • ஜான் ஜேகப் பெர்சிலியஸ் என்பவர்  \(1813\) ஆம் ஆண்டு தனிமங்களைக் குறிப்பதற்கு படங்களுக்குப் பதிலாக ஆங்கில எழுத்துக்களைப் பயன்படுத்தும் முறையை உருவாக்கினார்.
  • பெர்சிலியஸ் முறையின் மாற்றியமைக்கப்பட்ட வடிவமான "தனிமங்களின் குறியீடுகளைத் தீர்மானிக்கும் முறை" நடைமுறைக்கு கொண்டுவரப்பட்டு பயன்படுத்தப்படுகிறது.