2. ஆரோக்கியம் மற்றும் தனிப்பட்ட சுகாதாரம்

சுகாதாரம் என்பது நல்ல ஆரோக்கியத்தையும், மனதை மேம்படுத்தவும், பராமரிக்கவும் செய்யப்படும் அனைத்து செயல்பாடுகளையும் குறிக்கிறது.

 

நல்ல ஆரோக்கியத்திற்கு இன்றியமையாதது தூய்மையான நிலை. நோய்களிலிருந்து நம்மைப் பாதுகாத்துக் கொள்ள, உடல் ஆரோக்கியத்தைப் பேண தவறாமல் குளிப்பது, உடைகள் மற்றும் சுற்றுப்புறங்களைச் சுத்தம் செய்வது, சுகாதாரமற்ற உணவுப் பொருட்களை உட்கொள்வதைத் தவிர்ப்பது  மிக அவசியம்.

 

 

 

மலம் - வாய் வழி நோய்ப் பரவும் முறை என்பது ஒரு குறிப்பிட்ட நோய் பரவும் பாதையை விவரிக்கிறது. இதில் மலத்துகள்களில் உள்ள நோய்க்கிருமிகள் ஒருவரிடமிருந்து மற்றொரு நபரின் வாய்க்கு, விலங்குகளின் கழிவுகளுடன் கூடிய உணவு மற்றும்  மாசுபடுத்தபட்ட தண்ணீர் மூலமாக பரவுகிறது.

 

மலம் -வாய் வழியாக நோய் பரவும் முறையை விளக்கும் படம்

  

 

மேலும், உடலைச்  சுத்தம் செய்வதும், அழகுபடுத்துவதும், சீர் படுத்துவதும் தனிநபர் சுகாதாரத்தின் ஓர் அங்கமாகக் கருதப்படுகிறது.

 

 

தனிநபர் சுகாதாரத்தைச்  சீரழிப்பதற்குக் காரணமாய் இருப்பவை நோய்க்கிருமிகள் ஆகும்.