Doubt? ASK ME

பறவைகள் இரண்டு வகைகளில் பறப்பதை நம்மால் காண இயலும். அவை;
  1. மிதந்து ஊர்தல்
  2. கீழ்நோக்கிய அசைவு
மிதந்து ஊர்தல்:
 
இவ்வகை பறத்தலின் போது பறவைகளின் இறக்கைகள் மற்றும் வால் விரிந்து இருக்கும். அதோடு, அவை காற்றின் உதவியுடன் மேலும், கீழும் பறந்து செல்லும்.
 
YCIND20220901_4399_Movements in animals_09.jpg
மிதந்து ஊர்தல்
 
கீழ்நோக்கிய அசைவு:
 
கீழ்நோக்கிய அசைவு முறை ஒரு தீவிர பறத்தல் செயலாகும். இவ்வகை பறத்தலின் போது பறவைகள் அதன் சிறகைக்  கீழ்நோக்கி அசைத்துக் காற்றை உந்தி தள்ளுகின்றன. மேலும், இந்த நிகழ்விற்கு அவைகள் இறக்கைகளைப் பயன்படுத்துகின்றன.
 
YCIND20220901_4399_Movements in animals_06.jpg
கீழ்நோக்கிய அசைவு
 
பாம்பு:
  • பாம்பின் உடலில் அதிக எண்ணிக்கையில் முதுகெலும்புகள் உள்ளன.
  • அதன் அடுத்தடுத்துள்ள முதுகெலும்புகள், விலா எலும்புகள் மற்றும் தோல் ஆகியவை மெல்லிய உடல் தசைகளுடன் இணைக்கப்பட்டிருக்கின்றன.
  • பாம்பு நகரும் போது பக்கவாட்டில் பல வளைவுகள் உண்டாகி உடலை உந்தி தள்ளும்.
  • தரைப்பரப்பில் உருவாக்கின வளைவுகளைத் தொடர்ந்து உந்தி தள்ளியே அவை முன்னோக்கி நகர்ந்து செல்லும். பாம்புகளில் நடைபெறும் இவ்வியக்கம் சறுக்கு இயக்கம் எனப்படும். மேலும் சில வகை பாம்புகளால் நீரில் நீந்தவும் இயலும்.
shutterstock_1469852024.jpg
பாம்புகளின் இயக்கம்
 
Important!
பாம்புகளுக்குக் கால்கள் கிடையாது. மாறாக, தசைகள் மற்றும் செதில்களைப் பயன்படுத்தியே அவை நகர்கின்றன.