PUMPA - THE SMART LEARNING APP

AI system creates personalised training plan based on your mistakes

Download now on Google Play

Theory:

நமக்கு ஏன் எண் மதிப்பீடு தேவை?

 

உங்கள் பள்ளி, ஆண்டு விழாவை ஏற்பாடு செய்வதாக வைத்துக் கொள்வோம். இந்த விழாவிற்கு தோராயமாக எதிர்பார்க்கப்படும் மக்களின் எண்ணிக்கையைக்  கண்டுபிடிப்பது பற்றி அவர்கள் முதலில் சிந்திக்கிறார்கள் ..

 

விழாவிற்கு  வருகை தரும் பார்வையாளர்களின் சரியான எண்ணிக்கையைப் பெற முடியுமா?

'முடியாது' என்பதுதான் பதில்.

 

எனவே, போதுமான எண்ணிக்கையில் அவற்றைப் பெற நமக்கு ஒரு சிறந்த வழிமுறை தேவை.

அன்றாட வாழ்வில், பின்வரும் வகை வரிகளைக் கேட்டிருப்போம்.

  • சென்னை எம்.ஏ.சிதம்பரம் ஸ்டேடியத்தில் நடந்த இந்தியா-பாகிஸ்தான் கிரிக்கெட் போட்டியை தோராயமாக \(50,000\) பேர் கண்டுகளித்தனர்.
  • மனித வரலாற்றில் பதிவுசெய்யப்பட்ட கொடிய தொற்றுநோய் பிளாக் டெத் அல்லது  பிளேக். இதன் விளைவாக யூரேசியா மற்றும் வட ஆப்பிரிக்காவில் கிட்டத்தட்ட \(200\) மில்லியன் மக்கள் இறந்தனர்.
  • டிசம்பர் \(28, 2011\) அன்று, தானே புயல் சென்னைக்கு தென்கிழக்கே சுமார் \(270\) கடல் மைல் கிலோமீட்டர் தொலைவில் அமைந்திருப்பதாக அமெரிக்க கடற்படையின் கூட்டு டைபூன் எச்சரிக்கை மையம் (JTWC) தெரிவித்தது.
மேலே உள்ள அனைத்து செய்திகளும் துல்லியமான எண்களைக் கொடுக்கவில்லை. அவை சரியான எண்ணிக்கைக்கு நெருக்கமாக உள்ளன.

 

முதல் உதாரணத்தின் உண்மையான மதிப்பு \(49650, 50120, 49980, 49702\) அல்லது \(50348\) ஆக இருக்கலாம்.

 

இதேபோல் இரண்டாவது வழக்கின் உண்மையான மதிப்பு \(200.6\) மில்லியன், \(199.7\) மில்லியன், \(199.2\) மில்லியன் அல்லது \(200.4\) மில்லியன் மக்கள் இறந்திருக்கலாம். மூன்றாவது மதிப்பு \(268, 274, 266, 271\) அல்லது \(273\) ஆக இருக்கலாம்.

 

ஆனால் செய்தியின் குறிப்பிட்ட எண்கள், அசல் எண்களுக்கு மிக அருகில் உள்ளன என்பதை நினைவில் கொள்க. 

 

அந்த எண்களுக்கு முன்னர் 'கிட்டத்தட்ட', 'தோராயமாக', சுமார்', ‘அருகில்’ போன்ற சில முக்கிய வார்த்தைகள் உள்ளன. இவைதான் இந்த கணக்கின் குறிப்புச்சொற்கள்.

கணிப்பு என்பது சரியான எண்ணுக்கு நெருக்கமான அல்லது அருகில் உள்ள எண்ணைக் கண்டறிவதாகும்.

Important!
மதிப்பிடப்பட்ட எண்ணைப் பெற, ஒரு எண்ணை அருகில் உள்ள பத்துகள், நூறுகள் , ஆயிரங்கள், லட்சம்,மில்லியன்கள் போன்றவற்றிற்கு முழுமைப்படுத்துவோம்.