2. விசையின் வகைகள்

தொடு விசை என்பது ஒரு பொருளின் மீது விசை செலுத்தப்படும் நேரடி விசையாகும். இங்கே, இரண்டு பொருள்கள் ஒன்றுடன் ஒன்று தொடர்பு கொள்கின்றன. ஒரு பொருள் இழுக்கப்படும் அல்லது தள்ளப்படும் போது தொடுவிசையைச் சார்ந்து இருக்கும்.

 

ஒரு காந்தம் மற்றும் சில இரும்பு துண்டுகளை எடுத்துக் கொள்ளுங்கள். காந்தத்தின் அருகே இரும்பு துண்டுகளை வைக்கவும். என்ன நடக்கும்?

 

காந்தத்தின் விசையால் இரும்பு துண்டுகள் ஈர்க்கப்படுகின்றன. ஆனால், இங்கு அவைகளுக்குள் நேரடி தொடர்பில்லை.

 

 

முதிர்ந்த தேங்காய் தரையில் விழுகிறது. அதை தரைக்கு இழுப்பது எது?

 

பூமியின் "ஈர்ப்பு விசை" பற்றி கேள்விப்பட்டிருப்போம். புவியீர்ப்பு விசையானது முதிர்ந்ததேங்காயை மரத்திலிருந்து தரைக்கு இழுக்கிறது.

  

நாம் ஒரு பந்தை உதைக்கும்போது அது நகரும். நாம் புத்தகத்தை மேசையில் தள்ளும்போது, ​​​​அது நகரும். காளை மாடு இழுத்தால் வண்டி நகரும்.

 அன்றாட வாழ்வில், வாளியைக் கொண்டு கிணற்றில் இருந்து தண்ணீரை வெளியே எடுக்கிறோம், விலங்குகள் வண்டியை இழுக்கிறது. இங்கு இழுத்தல் மற்றும் தள்ளுதல் என்ற நிகழ்வானது, மனிதர்கள் அல்லது விலங்குகள் போன்ற உயிருள்ள காரணிகளால் நிகழ்கிறது.

 

  

சில நேரங்களில் புல்வெளியில் ஒரு உயரமான புல் காற்றில் நடனமாடுவதைப் பார்க்கிறோம், ஒரு மரத்துண்டு ஓடையில் நகர்கிறது. எது அவைகளைத் தள்ளுகிறது அல்லது இழுக்கிறது?

 

வீசும் காற்றும், ஓடும் நீரும் தான் காரணம் என்பதை நாம் அறிவோம். சில நேரங்களில் தள்ளுதல் அல்லது இழுத்தல் என்ற நிகழ்வானது உயிரற்ற காரணிகள் காரணமாகவும் நிகழலாம்.

பொருட்களின் இயக்கத்தை பாதிக்கும் இரண்டு முக்கிய காரணிகள் உள்ளன. அவை:

உயிருள்ள காரணிகளில் மனிதர்கள் அல்லது விலங்குகள் பொருள்களின் இயக்கத்தை பாதிக்கின்றன .

உயிரற்ற காரணிகள் காற்று, நீர் மற்றும் நகரும் பொருட்களில் உளஂள ஈர்ப்பு விசை போன்ற இயற்கை விசைகளை உள்ளடக்கியது.