3. ஓய்வு மற்றும் இயக்கம்

கீழே உள்ள சில உதாரணங்களைக் கொண்டு ஓய்வு மற்றும் இயக்க நிலையைப் புரிந்து கொள்வோம்.

 

உதாரணங்கள்:

 

1. மேசையும், புத்தகமும்:

 

உங்கள் மேசையின் நடுவில் ஒரு புத்தகம் இருப்பதாக வைத்துக்கொள்வோம். புத்தகம் நகர்கிறதா?

 

உங்கள் பதிலானது "அது நகரவில்லை; அது ஓய்வில் உள்ளது" என இருக்கும்.

 

உங்கள் புத்தகத்தை வைத்திருக்கும் இடத்தைக் காலி செய்ய புத்தகத்தை மேசையின் ஒரு பக்கமாகத் தள்ளினால், புத்தகம் நகர்கிறது என்று சொல்வீர்கள்.

 

  

இங்கு,மேசையைப் பொறுத்தமட்டில் ஓய்வு நிலையில் உள்ளது.

 

ஆனால், புத்தகம் அதே இடத்தில் இருந்தபோது, ​​புத்தகம் ஓய்வில் இருந்தது என்கிறீர்கள்; ஆனால் அது மேசையில் ஒரு இடத்திலிருந்து மற்றொரு இடத்திற்குத் தள்ளப்பட்டபோது, ​​அது நகர்கிறது என்கிறோம்.

 

 

நீங்கள் ஒரு இரயில் நிலையத்தில் இருப்பதாக கற்பனை செய்து பாருங்கள். ஒரு ரயில் நடைமேடைக்கு வந்து, அதன் பாதையில் நிற்கிறது. சிறிது நேரம் கழித்து, இரயில் இருந்து மக்கள் வெளியே வருவதை நீங்கள் காண்கிறீர்கள்.

 

 

 

ஆம், அது நகரவில்லை. அது ஓய்வு நிலையில்  உள்ளது. ஆனால், காவலர் பச்சை சமிக்ஞை கொடுத்த பிறகு என்ன நடக்கிறது? ரயில் நகரும் அல்லது இயங்க தொடங்குகிறது.

 

 

மேகமூட்டமான இரவில் சந்திரனைப் பார்த்தால் என்ன நடக்கும்? நகர்வது சந்திரனா அல்லது மேகமா?

 

மேகங்கள் மட்டுமே நகர்கின்றன.

 

அதே போல, உங்கள் வீடும் அதே இடத்தில் உள்ளது, சுவரில் பொருத்தப்பட்டுள்ள தொலைக்காட்சியும் அதே இடத்தில் உள்ளது. அவை நிலையாக இருப்பதாகவும், ஓய்வில் இருப்பதாகவும் கூறப்படுகிறது.

 

 

இதேபோல், உங்கள் தெருவில் பல பொருட்கள் நகர்வதை நீங்கள் பார்த்திருப்பீர்கள், அவை தள்ளப்படுகின்றன அல்லது இழுக்கப்படுகின்றன. காய்கறி வியாபாரி வண்டியைத் தள்ளுவது, குழந்தைகள் கால்பந்து விளையாடுவது அல்லது ஊஞ்சலில் விளையாடுவது ஆகியவை இயக்கத்திற்கு எடுத்துக்காட்டுகள். இந்த எல்லா எடுத்துக்காட்டுகளிலும், பொருள்கள் இயக்கத்தில் இருப்பதை நீங்கள் காணலாம்.