6. கார்பன் டை ஆக்ஸைடு: பரவல், இயற்பியல் பண்புகள் மற்றும் பயன்கள்

கார்பன் டை ஆக்ஸைடு  ஒரு கார்பன் மற்றும் இரண்டு ஆக்ஸிஜன் அணுக்களால் ஆனது. எனவே இது \(CO_2\) என குறிக்கப்படுகிறது. இது அறை வெப்பநிலையில் வாயுவாக இருக்கும். பூமியால் திரும்ப அனுப்பப்படும் சூரிய ஆற்றலை இது திரும்ப பூமிக்குள் அனுப்பி பூமியில் உயிரினங்கள் வாழத் தேவையான வெப்பநிலையினைக் கொடுக்கிறது. ஆனால் வளிமண்டலத்தில் கார்பன்டை ஆக்ஸைடின் அளவு அதிகமானால் அது பூமியின் வெப்பநிலையினை மிகவும் அதிகரிக்கும்.

  

பூமியின் வளிமண்டலத்தில் \(0.03\) % கார்பன் டை ஆக்ஸைடு மட்டுமே உள்ளது. இது விலங்குகள் மற்றும் தாவரங்கள் சுவாசித்தலினாலும், நொதித்தல் போன்ற நிகழ்வுகளாலும் இயற்கையாக உருவாகிறது. மேலும் எரிமலையிலிருந்து வரும் மேக்மா மூலம் வெளியேற்றப்படும் கார்பன் டை ஆக்ஸைடின் அளவு மிகவும் அதிகமாகும்.இயற்கையாக உருவாகும் கார்பன் டை ஆக்ஸைடுடன் மனிதர்கள் செயற்கையாக உருவாக்கும் கார்பன் டை ஆக்ஸைடும் சேர்வதால், இயற்கையாக நடக்கும் கார்பன் சுழற்சியின் சமநிலை பாதிக்கப்படுகிறது.

 

இதனால் அதிகரித்து வரும் கார்பன் டை ஆக்ஸைடு சிறிதளவே இருந்தாலும், கார்பன் டை ஆக்ஸைடு அதிகரிப்பினால் பூமியில் ஒரு பெரும் பாதிப்பை ஏற்படுத்தக் கூடும்.

 

 

  

அறை வெப்பநிலையில் ஒரு பொருள் வெப்பப்படுத்தபடும்போது திட நிலையில் இருந்து திரவ நிலைக்கு மாறாமல் நேரடியாக வாயு நிலைக்கு மாறினால் அது பதங்கமாதல் எனப்படும்.

 

உதாரணம்: கற்பூரம்